Imos por partes. Facer figuración pode ser un xeito de coñecer o medio audiovisual, pero con elo non se adquire profesionalidade. Outra cousa é un contrato, sexa en series, cine ou teatro, no que se apliquen as tarifas e condicións dos convenios colectivos, por tanto con empresas profesionais.
Os convenios, tanto de teatro como do audiovisual, están na páxina web da Asociación. Paga a pena coñecelos, para cando che faga falta.
Se hai algún grupo afeccionado de teatro na tua zona, ofrecéte. Non será un traballo profesional, pero servirache de moito na tua aprendizaxe. Non esquezas que un actor ten que estar aprendendo ata que morre, con mais razón a túa idade. Abaixo vai un enlace onde hai enderezos de grupos afeccionados.
As Escolas de Imaxe e Son de Coruña e Vigo adoitan facer moitas curtas cada ano, e precisan moitos actores. Procura os seus enderezos e mándalle información.
E por último. Van dous enlaces a asociacións de empresas, co listado e enderezos. Prepara un curriculo cos teus datos, experiencia e formación, con por exemplo tres fotos, unha de cara en primeiro plano, outra de plano medio, e outra enteiro. E mándallo a todas esas empresas, ofrecéndote como actor. Por correo-e. ¿Resultado? Nunca se sabe, se o material chega no momento oportuno ó lugar axeitado, porque están buscando alguén do teu perfil, seguramente que te chamen para facer unha proba alomenos. Pero nada de impacientarse se non hai resposta, para o ano, novas fotos, novo curriculo, e a insistir.
¿Vale Xian?
Aqui che van as ligazóns:
http://www.fegatea.org/grupos.htmlhttp://www.aega.tv/es/modules.php?op=modload&name=Productoras&file=listado_productoras&meid=25http://agapi.org/v2/empresas.phpSorte e non te desanimes nunca.
